| 1 | |
HStAOrient5a: 87r Züḥal ve Müşterī ve Mirrīḫ ve Zühre ve ʿUṭārid. Bunlara ḫamse‑i müteḥayyize ıṭlāq // olınur. Ve dėmişler ki māh daḫı bu cümledendür. Ammā ricʿati maḥsūs // degüldür. Nihāyet ricʿati zamānında fī l‑cümle nūrına żaʿf gelür dėrler // ve ricʿat‑i kevkeb ḥaqīqatde bize nisbet iledür. Zīrā felek // tedvīrinde niṭāq‑i s̱ānīden aşaġa ḥareket ėtse rāciʿ görinür // ve niṭāq‑i rābiʿa gelse ḥareketi bālāya olur. Ol zamānda müstaqīm // görinür. Pes ḫudāvend celle qudretuhū kevākib‑i mezbūrenüñ ricʿatini // āhūlaruñ gendü ḫānelerine ricʿatine teşbīh ėtdi ve istiqāmetini // ḫānelerinde qāyim olduqlarına tems̱īl qıldı. Zīrā ḫunnes ve kunnes // ʿArabīde āhūlaruñ ṣıfatıdur. Qāla llāhu taʿālā: Wa‑s‑samāʾi ḏāti // l‑burūǧi. Bürūc‑i āsmān ki sekizinci felekdedür on ikidür nite‑kim // naẓm ėtmişlerdür. Beyt: [remel: ‑ v ‑ ‑ / ‑ v ‑ ‑ / ‑ v ‑ ‑ / ‑ v ‑] Çün Ḥamel çün S̱evr çün Cevzā vü Ser[e]ṭān // ü Esed Sünbüle Mīzān u ʿAqreb Qavs u Cedī vü Delv ü Ḥūt // Nes̱r: Āftāb bir yılda on iki burcı seyr ėder ve her burcuñ // mesāfesin bir ayda qaṭʿ ėder. Ammā Qamer her ayda on iki burcı // seyr ėder bir burcı iki gün ve on iki sāʿatde qaṭʿ // ėder taqrīben. Ve fuṣūl‑i erbaʿada burūc‑i bahār üçdür: Ḥamel // S̱evr ve Cevzā. Ve burūc‑i tābistān Sereṭān ve Esed [ve] Sünbüle ve bürūc‑i // ḥarīf Mīzān ve ʿAqreb ve Qavs ve bürūc‑i zemistān Cedī |